منتدى شباب ام شانق

منتدى إجتماعى ثقافى لشباب ام شانق

المواضيع الأخيرة
» ام شانق سعد (كتاب الانساب)
من روائع الردلو Emptyالأربعاء أبريل 03, 2013 11:30 pm من طرف الوليد علي ابورواش

» 
من روائع الردلو Emptyالإثنين مارس 25, 2013 10:13 pm من طرف Wâlid Hâssan

» البِر لايفنى والديان لا يموت كما تدين تدان
من روائع الردلو Emptyالإثنين مارس 25, 2013 10:04 pm من طرف Wâlid Hâssan

» وين الترحيب ؟؟؟؟؟؟؟؟؟
من روائع الردلو Emptyالإثنين أبريل 25, 2011 2:10 pm من طرف عمار خالد

» مقال للفاتح جبرا
من روائع الردلو Emptyالجمعة فبراير 04, 2011 8:39 am من طرف عمر الفضل بخيت

» توثيق لشاعر البطانه ودالصــــــــقرى...........
من روائع الردلو Emptyالخميس فبراير 03, 2011 1:49 am من طرف عمر الفضل بخيت

» صحبتكم اخترت ففرقنا الزمان وعاد ليجمع شملنا
من روائع الردلو Emptyالخميس فبراير 03, 2011 1:29 am من طرف عمر الفضل بخيت

» ماذا تعرف عن ماليزيا
من روائع الردلو Emptyالأحد نوفمبر 28, 2010 11:42 pm من طرف يوسف

» عيدية وترحيب
من روائع الردلو Emptyالجمعة سبتمبر 17, 2010 9:29 pm من طرف النعيم العاقب


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

من روائع الردلو

اذهب الى الأسفل  رسالة [صفحة 1 من اصل 1]

1من روائع الردلو Empty من روائع الردلو في الإثنين مارس 30, 2009 5:17 pm

عبدالباقى قسم البارى

عبدالباقى قسم البارى

تعجبني جدا قصيدة شاعرنا المريخي القح الأستاذ الشاعر الضخم الديبلوماسي سيد أحمد الحردلو ، وقد قارنت بين ذاك العهد الذي يمجده شاعرنا وعهدنا المعاصر هذا بكل إحباطاته ..فلم أتمالك نفسي من قول :- عذرا عزيزي الحاردلو فهذا هو واقع الحال اليوم ... قول لي شنو؟؟ وقول لي منو؟ * * * مانحن سجم .. ونحن رماد .. ونحن حاضر كله سواد .. وزول عشوائي بالميلاد .. * * * نحن شعب .. مكتول حيل .. ميت ضمة .. غشيم بلحيل من العسكر شفنا الويل لسع بنسكن بالإيجار .. وبلادنا قوامها مليون ميل..! * * * وقول لي شنو؟ وقول لي منو ؟ * * * ما نحن حياتنا كلها .. ألم .. وواقعنا .. رماد وسجم.. قريشاتنا .. ما .. حايقات! ومافي زولا بيتكلم ..!! نحن شعب أنقذوه..!!! ويوت شايفنه يتجضم ..! * * * وتاني قوللي شنو؟ وقول لي .. منو؟ * * * نحن كمّين هم هايل ..!! (القفة) فينا .. تسوي عمائل .. وجمرة خبيثة وإنترنيت وكمان موبايل! * * * قول لي شنو؟ أسعلني ..كمان.. نحن يمين .. أجدع فرسان.. لا بنخاف من سيد البيت ولا الدكان.. ولا باعوضة .. في كل بكان .. ولا ملاريا .. ولا تايفويد.. ولا الموت .. ال بالمجان .. * * * ونحمد الله .. بيوتنا ضاجة بالفيران.. * * * شعبا في أكتوبر شفناه .. شفت.. شفناه اليوم .. زي (الزفت) وشدة ما شبعنا في الزفت ..!!! شوارعنا بقت كلها .. زفت .. مولودنا ذاته .. يمرق زهجان وما يطلع .. إلا بالجفت ..!! * * * قول لي شنو؟ وقول لي منو؟ * * * تتحكم فينا .. (البنتاغون) .. فرقنا من الحضارة شاسع .. بون .. عيشة تكلف .. كمين مليون .. تعليم عيالنا .. أسعلو منو.. ود حميدة .. البروف(مأمون)! * * * داير تقول ..؟؟ وشن بتقول..؟ ما نحن شعب صبح .. مأفون.. تعب خلاااااس فقد الأمل .. يمين تقول .. عاملين لو .. عمل ..!! ينسي همومه .. يفرح ينطط .. لما (طمبل) يجيب القون!!! * * * قول لي شنو؟؟ وقول لي منو؟؟ * * * بنتجاهل واقعنا حمرة عين .. نشيل (لابتوب) وموبايلين .. نسكن فيلا .. من دورين .. موية عذبة .. في نيلين .. وتربة خصبة تملاء العين .. واولادنا يبيتوا عطشانين .. وأبواتنا ينوموا جيعانين .. وبي ده كله ... ما ساعلين ..! ماكنا أسياد العديل والزين .. وإن كان بقت حياتنا كلها دين .. يعني شنو؟؟ * * * ما تاريخنا يسر البال ويملاء العين! وأجدادنا كانوا .. يسدوا (الفرقة) بين .. إتنين .. ورأس غردون جوا شايلنه .. من الأنصار بس نفرين..! * * * وعليك الله تأني قول لي شنو؟؟ وقول لي منو؟ * * * عشان أقول لك .. أقيف هسع .. وأقيف وأسمع .. نحن الطلقة الساكنة .. جوووه المدفع .. ونحن الدمعة .. جوووه العين .. أبت تطلع .. * * * بال .. UN حاشا ما هضربنا وإسرائيل تب .. ما ..بتغلبنا .. وأمريكا ذاتها ما بترهبنا ما نحن .. القرمصيص بالليل حالفين نوريهم .. الويل .. وأعدينا ليهم .. ما أستطعنا .. من..رباط الخيل! * * * وقولوا لأوكامبو .. أكان يسمعنا .. رئيسنا قال ليك الزارعنا .. غير الله .. الليجي يقلعنا..! * * * هووي يا..الأرباب خسمتك بالرسول.. أملاء خشمي .. كله .. تراب .. وأملاء خشمك وقول لي شنو؟ وقول لي منو؟ وشوفني .. مع واقع الحال ده أكان أقدر .. أحيره ..جواب ؟؟؟

2من روائع الردلو Empty رد: من روائع الردلو في الإثنين مارس 30, 2009 11:15 pm

خالد عبده البشرى

خالد عبده البشرى
مشرف عام
لهذا الوطن
( سيد أحمد الحردلو )























لهذا الوطنْ
معمدة’’ جبهتي بالحَزَنْ ،
ومنذورة’’ كلُّ لحظةِ شِعرٍ ..
وميلادِ أُّغنيةٍ .. أو شجنْ ،
O لهذا الوطنْ
معمده’’. كلُّ رعشةِ حبٍ .. ،
وكلَّ ابتساماتِ هذا الزمنْ ،
O ومنذورة’’ .. كلُّ أيامِ عمري ..
فما كان منها ...
وما لَمْ يكنْ ،
O لهذا الوطن


_________________
من روائع الردلو Twqi3-ma-1-1-3
http://khalidabdo.ahlamontada.net

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى