منتدى شباب ام شانق

منتدى إجتماعى ثقافى لشباب ام شانق

المواضيع الأخيرة
» ام شانق سعد (كتاب الانساب)
الأربعاء أبريل 03, 2013 11:30 pm من طرف الوليد علي ابورواش

» 
الإثنين مارس 25, 2013 10:13 pm من طرف Wâlid Hâssan

» البِر لايفنى والديان لا يموت كما تدين تدان
الإثنين مارس 25, 2013 10:04 pm من طرف Wâlid Hâssan

» وين الترحيب ؟؟؟؟؟؟؟؟؟
الإثنين أبريل 25, 2011 2:10 pm من طرف عمار خالد

» مقال للفاتح جبرا
الجمعة فبراير 04, 2011 8:39 am من طرف عمر الفضل بخيت

» توثيق لشاعر البطانه ودالصــــــــقرى...........
الخميس فبراير 03, 2011 1:49 am من طرف عمر الفضل بخيت

» صحبتكم اخترت ففرقنا الزمان وعاد ليجمع شملنا
الخميس فبراير 03, 2011 1:29 am من طرف عمر الفضل بخيت

» ماذا تعرف عن ماليزيا
الأحد نوفمبر 28, 2010 11:42 pm من طرف يوسف

» عيدية وترحيب
الجمعة سبتمبر 17, 2010 9:29 pm من طرف النعيم العاقب


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

اضحك بدءا ما عليك

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 اضحك بدءا ما عليك في الأحد مارس 08, 2009 1:25 am

عبدالباقى قسم البارى

avatar
واحد مسطول مشي الصيدلية قال للدكتور : 'عايز لبن اطفال'.
الدكتور: 'اسمو شنو؟'
المسطول رد : 'اسمو اشرف'
مسطول بابه دقه...قال:'منو الفي الباب؟' قال ليهو:'افتح يا جدو انا حفيدك'.قاليهو:'يعني حتفيدني في شنو يعني؟'

المسطول مشى بيت ناس صحبو دقه الباب جاتو اخت صحبو
سألا حسن في ؟
قالت ليهو مافي
فضل واقف سرحان
قالت ليهو خلاس لما يجي بكلمو ليك
قاليها كلميهو انتي قايلاني خايف منو؟؟

مسطول احوص بحضر ليهو في فلم عاطفي داير يدمع .... ريّل

في واحد مشى لشيخ مسطول يفسرليهو حلم وقال : انا حلمت اني لابس بدلة لونا بني فاتح وقاعد في مكان فيهو نجيلة قال الشيخ : تفسير الحلم ..... انك تور الله في برسيمه

مسطول جابوليهو بنت قالوا: 'حتسميها منو؟'
قال: 'هبة على عمتي علوية

مسطول مشى محل حلوانى العامل قال ليه سفرى ولا محلى رد المسطول : اقول ليك حاجه شكلو

اتنين مساطيل قاليهم العسكري ' وليه كلكم عيونكم حمرا'؟؟
قالوا ليهو: 'بنبقى لبعض'!!

حين تري السماء سقف لبيتك ..وتري القمر مصباح لغرفتك ..وتري النجوم متعتك. حينها تاكد .. انك مسطول ليس الاّ!!

مسطول بيسأل صحبو: 'شنو اسماء اخوانك؟'. قاليهو:'كلهم أسمهم عبدالله الا ابراهيم اسمو مصعب'!!

'مولاي شخص بالباب جننا يريد أن يخش'. الوالي: 'ثكلتك أمك أوقفه عند الباب حتى آذن له بالخشوش'..
(اتنين مساطيل بمثلوا مسرحية باللغة العربية الفصحى).

اتنين مساطيل بيحضرو في كورة والمذيع بيقول دربكة في خط الدفاع دربكة في خط النص دربة في ال18 وهوووب قووووووووووووون جوا القون. قام المسطول قال لي صاحبو: 'تعرف دربكة دا لاعب مية المية'.

واحد مسطول في قسم الشرطة صدم 15 زول بسيارة
الضابط قاليهو : دا شنو العملتو دا يازول
قال: انا كنت سايق في الشارع .. فراملي فكت وفجا ظهر لي زول قدامي، صيوان عرس علي يميني و اولاد صغار علي شمالي.
الظابط قاليهو : طيب ماكان تصدم الزول البراهو.
قال ليهو: انا زاااتي قلته كدة ... لكن هو جري دخل بيت العرس!!!

مسطول.. بتاع الحركة قال ليهو: ما رابط الحزام ليه؟ قال ليهو: 'هو أنا بالله لابس بنطلون؟؟'!

قالوا مسطول بعد احداث امدرمان الاخيرة شاف عربية بوليس وقام جاري.. البوليس شافوا قام سكاهو... ولمن مسكو سالو: 'يا زول في شنو؟'.
قال ليهم: 'ما في شي'.
سالو البوليس: 'طيب بتجري مالك؟'
قال ليهم: 'ما يمكن يكون في شي'!!.

اربعه مساطيل سايقين عربيه والسطله راااابطه معاهم شديد قامو صدمو العربيه طفجوها طفيج شديد..
قالو خلاص احنا ننفخ العربيه دي من العادم..نزلو تلاته قعدو ينفخو فى العادم بخشومم...والرابع واقف بعيد بيضحك ضحك شديد...
جوهو قالو ليهو:' بتضحك مالك؟'
قاليهم:' إنتو عووره ولا شنو؟ بتنفخو في العربيه والشبابيك فاتحه؟'

مسطول ماشي في الشارع بليل وراجع بيتهم ومنتظر المواصلات شاف بوكس كحلي واقف في الظلط قام جرى عليهو لمن وصل البوكس قام عاين للعسااكر مسااااااااااااافة قال ليهم: 'السوق العربي؟؟'.

مسطول مرتو قالت ليهو:'وأنا بصلي الكديسة أكلت عشاك.. قمت دقيتها قامت جارية'.
قال ليها: 'ما مشكلة بكرة بجيب ليك كديسة تانية'!!

مسطول مواعد ليهو واحد... شراهو مشي اشتكاهو في مكتب الحركه.
بتاع البلاغات سالو:'نمره العربيه كم؟'.
المسطول : 'ما عندو عربيه'.
بتاع البلاغات: 'طيب نمره عربيتك كم؟'.
المسطول: 'ما عندي عربيه'..
بتاع البلاغات: 'طيب جاي مكتب الحركه ليه؟'.
المسطول: 'عشان حركتو دي ما جميله'!!

مسطول كان ماشى لقى الناس بصلوا فى (زاويه) و الارضية كانت برش قام صلى معاهم، بعد الصلاة خلصت الناس مشت الا الامام و المسطول كان غالبو يقوم ، قام الامام قال للمسطول : 'يا ولدى يلا لفها'،
المسطول : 'يا مولانا انت جادى؟؟'!

2 رد: اضحك بدءا ما عليك في الثلاثاء مارس 10, 2009 7:02 am

خالد عبده البشرى

avatar
مشرف عام
رجل مسيحي دخل مسجد في مصر و معاه سكين و قال: مين فيكم مسلم ؟


محّدش رد عليه إلا واحد شجاع قاله: أنا مسلم





اخذه برا المسجد و قاله: عندي ضيوف مسلمين وعازمهم على العشا وعندي خروف عاوزك تدبحه و تسلخه على ا لطريقه الإسلاميه



قال المسلم: أنا اعرف أدبح بس شوف حد تاني يسلخ







دخل المسيحي المسجد و السكين كلها دم من الخروف و قال: مين مسلم كمان؟



اشروا المصلين على الإمام

رد الإمام عليهم: ' في إيه ؟ هو عشان صليت فيكم ركعتين بقيت مسلم خلاص '

http://khalidabdo.ahlamontada.net

3 رد: اضحك بدءا ما عليك في الجمعة مارس 27, 2009 3:45 am

وهبية مساعد


حينما ترى السماء سقف لبيتك وترى القمر ضوء منزلك وترى النجوم متعتك تأكد انك بايت في الشارع

4 رد: اضحك بدءا ما عليك في الثلاثاء أبريل 07, 2009 2:15 am

عبدالباقى قسم البارى

avatar
مسطول شاف لافتة مكتوب عليها « التطعيم ضد الجدري »
قال: ديل لاعبين متين ؟



مسطول جابو ليهو ولد بيشبهو شبه شديد
قال لي مرتو : دي بطن و لا مكنة تصوير



اتنين مساطيل واحد وقع في الصهريج
صاحبو إنتظرو جمب الماسورة



واحد سأل مسطول قال ليهو لو سمحت عايز أوصل المستشفى سريع ..
قال ليهو غمد و اقيف في نص الظلط



مسطول وقع في حفرة ، حاول يطلع ثلاثة مرات
قال : دي آخر مرة اذا ما طلعت بمشي



مسطول مطرطش طرطشة شديدة عمل عملية تجميل
جاء داخل لاهلو بعد العملية قال ليهم على الطلاق ما عرفتكم



واحد مسطول إتصل بالشرطة وقال ليهم : لقد سرقوا
دركسون السيارة والجربكس ، بعد شوية إتصل بالشرطة
وقال لا يا جماعة آنا آسف أنا كنت قاعد في المقعد الخلفي.



واحد مسطول حصل ليه حادث والناس المعاهو كلهم ماتو اإلا هو
لكن إضنينو مقطعة بقي يكورك أضاني .. أضاني .. وكل ما يرفعوا
ليهو أضان يقول دي ما هيلما زهجم قالوا ليه يا إبن العم إنت أضانك
دي عاملة كيف ؟ قال ليهم أنا كنت خاتي لي فيها سيجاره



مسطول شايل لوح تلج بقلب فيهو
واحد شافو قاليهو مالك يازول ؟؟؟؟
قاليهو بس بنقط وداير أشوفومقدود بي وين ؟



إتنتن سايقين ليهم تكسي واحد راكب ورا والتاني سايق .
الورا سطل سطلة شديدة جو ماشين في شارع النيل
السايق شاف الشجرة مضروبة بوهية بيضاء وقف قايلا
بوليس حركه ..... لمن اتأكد أنها شجرة ضحك وطلع
طوالي ... بعد مسافه المسطول الورا سالو قاليهو التافه ده قال ليك شنو



واحد قال لي صاحبوا المسطول والله أمبارح اليوم كلو بالي مشغول
قال ليهو يمكن في زول رافع السماعة



في واحد مسطول قال لي صاحبو ارسم لي في ضهري
مربعات من 1 لحدي عشرين بعد انتهي قال ليهو
حك لي المربع رقم 15



مساطيل قالوا دايرين يعملوا مظاهرة ضد امريكا
لبسوا واحد صورة بوش وحرقوا



مسطول فتح التلاجة شاف الجلي برجف
قال ليهو ما تخاف داير اشرب موية بس



مسطول ماشي في شارع النيل قابلوهو ناس التلفزيون،،،،،،
شبكو يا أخ يا أخ عاين ليهم قال ليهم معاي أنا
قال ليهو آي قالوا ليهو رايك شنو في الزواج المبكر
قال ليهم حوالي الساعة كم كدة



واحد مسطول سطلة شديدة لمبتو باظت طلع يصلحا
قام عاين ليها كداااااااا وقال ليها : كيف ما تبوظي
وانتي قاعدة لي جمب سلك عريان



مسطول زنقو شيطان في زقاق وما حافظ أي سورة
قام قرا ليهو طلع البدرعلينا



سواق مسطول الكمساري قال ليهو اللستك نزل .
السواق رد ليهو المهم دفع ولا ما دفع ؟



مسطول وقع من السلم مشى الدكتور اداهو مرهم قال
ليهو امسحوا في موضع الوقعة ؟ قام المسطول مسحوا في السلم !



مسطول ضرب تلفون غلط قال : دا بيت ناس علي ؟
قالو ليهو لا ، قال ليهم : طيب رافعين السماعة ليه



واحد سمين لدرجة انو ما قادر يسوق ، في واحد مسطول في الكنبة
الورا قال للسواق : يا ابن العم شيل دركسونك دا وتعال معانا بي ورا



مسطول دخل يدو في موية نار مرقا لقاها مافي ..
دخل رأسو يشوفا مشت وين



مسطول واحد سالو قال ليهو الحاجة الطايرة في السما وبتقول ناو ديك شنو ؟
المسطول قال ليهو كديسه شايتنها شلوت



مسطول قال ليمرتو الدنيا دي عامله زي حديقة الحيوانات الزول من الصباح
يصحى زي الحصان ويمشي الشغل زي الكلب ويشتغل زي الحمار ويجي
راجع زي ابو القدح واخرتا ساكن مع بقره



ادروب مشى يخطب البت ، قال ليهو البت بتقرأ ؟
قال ليهم خلاص وقت الفسحى نجي



نكــــــات عامــــــة
كوشتينة مع الحمار
مسطول لقوه بيلعب كوشتينة مع حمار قالوا ليهو : إنت مجنون !!؟؟
في زول بلعب كوشتينة مع حمار ؟
المسطول قال ليهم : والله الما عاجبكم دا غلبني مرتين!!



واحدة بايرة قالتلي واحد نلعب دسوسية
لو لقيتني تعرسني ولو مالقيتني أنا ورا الدولاب



جعلي أول مرة ياكل ليهو لبانة....حلف بالطلاق ما ينوم إلاّ يكمّلا !!!!ا



كشـــــــف نظـــــــــــر
واحد عربي مشى فحص نظره الدكتور طبعاً كل مرة يديهو اللوحة
عشان يشوف الحروف ويختبر نظره لما طلع قالوا ليهو جبت
ستة من ستة قال ليهم والله لو ما لخبطني الدكتور كان جبت أكتر



شيخ بنصح في واحد سكران
الشيخ : النفس دائماً.. دائماًما تستطيب الحلال حتى أغبى
الحيونات الحمار لو ختيت قدامو جردل موية وجردل خمرة
بيشرب من ياتو واحد فيهم ؟
السكران : من الموية طبعا..ً
الشيخ (بفرح) : طيب لييييييه ؟
السكران: لأنه حمار ياشيخنا !!!!



في واحد قال لأبوه : تعرف يابابا أنا الوحيد الذي أجاب على سؤال
المدرس اليوم ، فقال له الأب بفرح : وماذا كان السؤال ،
فأجاب الإبن : السؤال كان : من منكم لم يكتب الواجب؟؟



واحد اسمو سليمان الجعلي ساكيهو تور كبير هايج سليمان جاري
جريشديد , جو مرتين ما شات شافو التور جاري عليهم قالت
ليها مافي طريقة غير نزغرد لسليمان دا يقوم يقبل يشيل التور ويرقد
بيهو في الواطة , قامو زغردواايوووووووووي , سليمان اتلفت عليهن
وقال ليهن ابشرن .. حرم سنة ما يلحقني



حبوبتين جاريات ساكيهن كلب قامت واحدة قالت للتانية
ماتدنقري تشيلي حجر تجدعيهو بيهو ردت عليها رفيقتا
ما تدنقري انتي مالك جارية فوق برش



اتنين بصلو جا واحد داير يصلي معاهم بقي يجر في الامام لي ورا
والامام واقف قام جا رباطابي قال ليهو ياخي دي الضلفه
الفيها الترباس جر التانيه



سكران لاقى ست العرقي في الحج قال ليها : اسألك بالله
وقدام بيتو دا تاني ما تزيدي لينا موية



واحد حب يشرب سيجارة ختاها في كباية



واحد كهربائي ..ابنه سخن ركبله فيوز جديد



واحدة تخينة تُخُن شديد وما عارفين يوزنوها عشان الميزان كل مرة
ينكسر جابوا احدث ميزان منبرة وقالوا خلاص عايزين نوزنها
بعد ما طلعت على الميزان الميزان اطلع ورقة مكتوب عليها
" لو سمحتوا يا جماعة واحد واحد بالدور"



شاب ما لاقي حاجة يعملا طلع الشارع ووقف بتاع تكسي .. قال ليهو فاضي
يا محترم !! صاحب التكسي قا ليهو ايوا فاضي ..
قام الشاب قاليهو : طيب ما تجي تقعد معاي على القهوةشوية



قروي ولده قال ليهو : يابا رخصتي انتهت ....
قال : ما من لفك الكتير في الشوارع



قروي مشى يتعالج في أمريكا ، سأله الطبيب عن الكوي اللي في
بطنه : وات إز ذس ؟ ... قال القروي : ذس إز ... تش ... أح



المصدر :
أضغط هــــــــــنا

تحياتي

5 رد: اضحك بدءا ما عليك في الأحد أبريل 12, 2009 3:02 am

عبدالباقى قسم البارى

avatar
الموساد قرر أنه يشغل جاسوس صعيدى عنده بعد طول بحث أستقروا على هريدى
راحوا لهريدى و أخدوه تل أبيب و قعدوا يدربوه 6 شهور و بعدها قالو ليه أنه
كدة جاهز للمهمة بتاعته
هريدى : يعنى حارجع مصر
مدرب الموساد : أيوة .. تروح و تنفذ كل التعليمات اللى قلنالك عليها
هريدى : طب ازاى حاتصل بيكم
مدرب الموساد : لا لا .. انت ماتتصلش .. احنا لما نحب نتصل بيك حانبعتلك مندوب
يقوللك ازايك و ازاى امك .. تعرف أنه تبعنا .. ماشى يا هريدى
هريدى : تحت أمرك يا فندم
و بالفعل رجع هريدى مصر .. و بعد شهرين أحس الموساد انه لازم يتصل بهريدى ..
فراحوا باعتينله مندوب
المندوب لبواب العمارة بتاعت هريدى : هو هريدى ساكن فى أنهى شقة
البواب : أنهى هريدى يا بيه .. العمارة فيها 4 هريدى
المندوب خاف لحسن العملية تنكشف : قولى شقة أى واحد فيهم
البواب : عندك واحد ساكن فى الدور الأول
طلع المندوب و خبط على الشقة اللى فى الدور الأول
المندوب : أنت هريدى .. ازايك و ازاى أمك
هريدى : أنت عايز هريدى الجاسوس .. هو ساكن فى الدور الرابع
........................................ ........................................ ...
بيقولك مرة مزيع قناة الشروق سأل واحد مسطول فقاله أنت بتحب قناة الشروق السودانية:فقاله لالالالالافقاله ليش

قاله عشان شعارها قاله مال شعارها

قالهشمس السودان التي لأتغيب قاله اها نفطر نفطر بتين.................................... ...........
........................................ ........................................ ........
واحد مسطول وعيد الأضحى بكرة راح لجزار قال ليه تجى تضبح لي الصباح قال أوكى إتفقنا راح البيت جاب الخروف حنن ليه أضنينه وجرتقه وكحله جاء الجزار الصباح شاف الخروف طهرهـ ومشى

........................................ ........................................ ....
مسطول دخل مطعم .. قال للجرسون:" عايز واحد
".. فول .. بس يكون من غير سلطة
الجرسون قال ليه:" السلطة الخضراء
.. العندنا شطبت
"..ما عندنا غير سلطة طحينة
المسطول قال ليه:"ما فى مشكلة .. طيب أعمله من غير
".. سلطة طحينة

........................................ ........................................ .................
قالوا مسطول سودانى قاعد مع مسطول مصرى قام قال
".. ليه:" تعرف .. الدنيا دى كلها مآسـى
المسطول المصرى قال ليه: " ليه .. هو مقاسك
" أد إيه ؟
........................................ ........................................ ..........

مسطول عملوا معاه لقاء فى التلفزيون
"المذيع سأله:" ماهو أصعب موقف مرّ بيك فى حياتك ؟
المسطول قال ليه:" يوم ما كنت بحلق فى دقنى ".. و بلوك لى فى لبانة

........................................ ..........................
قال ليك واحد مسطول زار ناس كدة و قاعد يسأل فى بتهم الصغيرة اسمك منو ياشاطرة قالت ليهو : أسماء
قال ليها يعنى مافى اسم محدد
........................................ ........................................ ..................

قال ليك واحد تكاسى راكبة معاهو بنت كل ما بطنو تكركب يروح ضارب البورى شديد
الحكاية دى كررها ليك عدة مرات و فجاة كدة جات غنماية قاطعة الشارع البنت قالت ليهو : موش الغنماية دي
اصدمها بس عليك الله بوريك العفن دا تانى ماتضربو )

بياع الفحم جنوا كضب على الزبائن
وأصلوا ما بسكت ساكت لازم يعلق على كلام الزبون
جاتو حتجة كبيرة تشتري فحم
الحاجة : يا ولدي أديني فحم بي ألف
بتاع الفحم : اتفضلي يا أمي
الحاجة تعاين للفحم الكباه ليها في القفة وتقبل على بتاع الفحة
الحاجة : ما تزيدوا شوية فحم الياباني
بتاع الفحم : والله يا حاجة الفحم غالي وبعدين الفحم ده من سنار
لكن اللوري الجابوا ياباني
........................................ ........................................ ..................
قال ليك فى واحد عندو موتر يوم كان مركب صحبو معاهو قعدوا يتشاكلوا الاتنين منو الى يقعد جنب الشباك............
........................................ ...........................
رباطابي مركبة غرقت مشى يعمل بلاغ العسكري قال ليهو غرقت وين قال ليو في شارع الظلط

جماعة رباطاب شايلين ليهم زول تعبان مودنو المستشفى لاقهم واحد قال ليهم خير يا جماعة ان شاء الله عوجة مافي قالو ليهو خير بس فلان دا عيان شوية اها وهسي مودنو وين العيان رفع راسو وقال ليهو مودني الطاحونة
........................................ ........................................ ...................
واحد جعلي وقع في بير قام جا واحد شايقي نزل الدلو الجعلي مسك في الدلو الشايقي نشل الدلو حتي عتبة البير الجعلي شاف الشايقي عرفو من شلوخو قام طلع سكينه وقطع الحبل
........................................ ........................................ ........................................ ..
يقال ان احد الجعليين راكب علي حماره وساير في الخلاء وعندما دخل في كومة من القش فجأة طارت (فرة) وهي طيره تحدث صوت مريع عند بداية طيرانها ففزع الجعلي من هذا الصوت وسقط من علي الحماره وتلفت يمين ويسار فلم يري احد فقام وقال والله لو هذا شايقي لكان مات من الفزع !!!!!!!!!!!!
........................................ ........................................ ........................................ .....................
وبمناسبة الجعليين هاكم النكتة دي ( نكتة حقيقية )
كان في واحد جعلي ماشي في شارع ضيق جداً ( زقاق ) وفي أول الزقاق دا كان في واحد شايل عكاز كبير و ساكي ليه كلب ؛ لمان شاف الجعلي في نهاية الزقاق قال ليه حوش الكلب ، واخونا الجعلي حاول يحوش الكلب ، لكن الكلب كان خايف من العكاز و جاء قاصد ليك الجعلي عديل ، فما كان من الجعلي إلا ينط من أقرب حيطة خوفاً من الكلب ؛ بعدين الجعلي اتحرج شديد جداً و اتعقد من الموقف دا ؛ فقام طوالي ماشي ليك للزول الساكي الكلب وراح هارشو ليك : إنت حيوان دا زقاق يسكو فيهو كلب ؟؟؟؟ ؟؟؟؟؟ ؟؟؟؟؟
........................................ ........................................ ......................................
كان فى جعلى وشايقى ساكنين جيران وكانوا الاتنين مربين كلاب
فى يوم العصريه جالسين امام ابوابون بره قام كلب الشايقى تحرش بى كلب الجعلى قام كلب الشايقى جلد كلب الجعلى جلده شديده زعل عليها الجعلى زعل شديد قام طوالى قام من كرسيه وملص عراقيه وقال للشايقى الفى الكلاب عرفناها كدى تعال نقوم انا وانت
........................................ ........................................ ........................................ ........
قاليك كان فى تور هايج اتعب الناس تعب شديد البلم فيه كلوا ينطحو وبقى ساكى الناس بالشوارع ماقدر عليه الا واحد مفتل مسك ليك التور من قرونو ورماه على الارض فى واحده من الحريم شاهدت هذا المنظر 00000 ايوى ايوى ايوى زغرتت وطوالى قالت متيمنه هذا الراجل ده جعلى ومشت طوالى وسالتو انت جعلى قال ليها لاشايقى 00 قالت متيمنه امبقى كدى التور ده باطل
........................................ ........................................ ........................................ ........
واحد رباطابى عندو غنماية خايف عليها من العين عشان كدة داسيها
من الناس اقصد الجيران لكن بالرغم من كدة فى واحد من الجيران شاف
الغنماية لكن ما اتكلم بعد فترة الرباطابى قام اشترى ليهو بقرة فرزيان
وطبعا كان خايف شديد وجا ماشى براحة جنب الحيطة عشان الجيران
قام جارو الكان شاف الغنماية طلع ليهو براحة وقال ليهو اسمع بعد جبت الهيئة القومية دى ما تدينا الجنليتر الجوة داك .......
........................................ ........................................ ........................................ ......
جعلى وشايقى اصحاب قام يوم الجعلى مشى مع الشايقى كريمة
قام الشايقى جاب ليك الفطور اصناف كتيرة من الاكل بس فى صحانة صغيرة ولمان قعدو للاكل الشايقى قال ليهو قول بسم الله الجعلى زعل وما رضى الحكاية دى قام يوم من الايام الجعلى عزم الشايقى فى شندى واول ما وصل جاب ليك خروف كامل مشوى
شايلنو راجلين ومعاهو كم فحل بصل ابيض وشطة وكدة واول ما ختو
الخروف الجعلى قال للشايقى : الليلة علي بالطلاق ما تقول بسم الله
عشان اشبعك واشبع شواطينك معاك ...................
........................................ ........................................ ........................................ ........
واحد من اخوانا الجنوبين لابس فنله سوداء وبنطلون احمر ... شافو واحد مسطول بي اتنين كرت .... قال الله يلعن ابو دي سطله التخليني اشوف الزرديه تمشي !!!!!

........................................ ........................................ ........................................ ........

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى